(i) ஒளி இழை வடத்தில் இரண்டு வகைகள் உள்ளன.
(ii) அவை ஒன்று ஒற்றை முறை ஒளியியல் வடம் (Single mode Cable) மற்றொன்று பன்முறை ஒளியியல் வடம் (Multimode Cable).
(iii) ஒற்றை முறை வடங்கள் தொலைதூர பரிமாற்றத்திற்கு உதவுகின்றன.
(iv) மேலும் இவை விலை அதிகமானவை.
(v) குறைந்த தூரத்திற்கு தகவல் பரிமாறப் பயன்படும் பன்முறை ஒளியியல் வடம் விலை மலிவானவை.
(vi) ஒளியில் வடங்களை நிறுவுவதும் பராமரிப்பதும் மிக எளிது.

ஈத்தர்நெட் வடமிடலில் நான்கு முக்கிய பகுதிகள் உள்ளன.
(i) இணைப்பு வடம் (Patch Cable)
(ii) RJ - 45 இணைப்பி (RJ45 Connector)
(iii) ஈத்தர் நெட் தொடர்பி (Ethernet Port)
(iv) கிரிம்பிங் கருவி (Crimping Tool)

(i) RS-232 என்பது ஒரு வகை தொடர் வடம் (Serial Cable) ஆகும்.
(ii) ஈதர்நெட் கிராஸ்ஓவர் வடங்கள் போலவே, RS-232 வடமும் மோடமின்றி இரண்டு கணினிகளை இணைக்கப் பயன்படுகிறது.
(iii) எனவே இது ஒரு பூஜ்ய மோடம் வடம் ஆகும்.
(iv) ஒரு வடம் இரண்டு சாதனங்களை ஒன்றோடொன்று நேரடியாக இணைத்தால் அது பூஜ்ய மோடம் எனப்படுகிறது.

RJ45 இணைப்பி:
(i) RJ45 இணைப்பி ஒரு தொலைபேசி ஜாக் (Jack) போலவே தோற்றமளிக்கிறது.
(ii) ஆனால் இது அளவில் சற்று பெரியது. RJ45 இல் "RJ" என்பது Registered Jack மற்றும் "45" என்பது வடத்தின் இடைமுகத்தரத்தை குறிக்கிறது.
(iii) RJ45 ஈத்தர்நெட் இணைப்பி ஒரு சிறிய பிளாஸ்டிக் cube ஆகும். இதில் எட்டு ஊசிகள் (pins) உள்ளன. RJ45 இணைப்பிகள் ஈத்தர்நெட் வடத்தின் இருமுனைகளிலும் இணைக்கப்பட்டுள்ளது.
(iv) இது 8P8Cஇணைப்பி என்றும் அறியப்படுகிறது. இந்த இணைப்பி (பிளக்) பின்னர் வலைமையப்பு அட்டையின் ஈத்தர்நெட் தொடர்பியில் செருகப்படுகிறது.

ஈதர்நெட் கிராஸ் ஓவர் வடங்கள் போலவே , RS-232 வடமும் மோடமின்றி இரண்டு கணினிகளை  இணைக்கப் பயன்படுகிறது. எனவே இது ஒரு பூஜ்ய மோடம் வடம் ஆகும்.ஒரு வடம் இரண்டு சாதனங்களை  ஒன்றோடொன்று நேரடியாக இணைத்தால் அது பூஜ்ய மோடம் எனப்படுகிறது. எ.கா: ஈத்தர்நெட் கிராஸ் ஓவர் வடம் மற்றும் RS - 232 வடம்

வலையமைப்பில் பல்வேறு வகையான வடங்கள் பயன்பாட்டில் உள்ளன. அவற்றில் சில வகைகள் இங்கே கொடுக்கப்பட்டுள்ளன.
1. இணையச்சு வடம் (Coaxial Cable):
(i) இவ்வகை வடம் தொலைக்காட்சியை அலைவாங்கியுடன் (antenna) இணைக்கப் பயன்படுகிறது.
(ii) இது உட்பகுதியில் தாமிரக் கம்பியைக் கொண்டு சுற்றிலும் காப்பிடப்பட்டு பாதுகாக்கப்பட்டிருக்கும். இவை அளவில் பெரியவை என்பதால் எடுத்துச் செல்வதும் மாற்றுவதும் கடினமானது.
(iii) இதனால் இதனை நிறுவுவதும் பராமரிப்பதும் எளிதல்ல. இது 10 mbps வேகத்தில் தகவலை பகிர்கிறது.
(iv) இந்த வடம் இலகு வலை (Thinnet) வடம் மற்றும் தடிமன் வலை (Thicknet) வடம் என இரண்டு வகைப்படும்.
2.முறுக்கு இணை வடம் (Twisted Pair Cable) :
(i) இரண்டு அல்லது அதற்கு மேற்பட்ட காப்பிடப்பட்டு முறுக்கப்பட்ட கம்பிகளின் தொகுப்பாகும்.
(ii) இதில் மின்காந்தக் குறுக்கீட்டை தவிர்ப்பதற்காக 8 கம்பிகள் முறுக்கப்பட்ட வடிவில் அமைக்கப்பட்டிருக்கும்.
(iii) முறுக்கு இணை கம்பிகள் காப்பிடப்பட்ட முறுக்கு இணை கம்பி (Shielded Twisted pair - STP) மற்றும் காப்பில்லாத முறுக்கு இணை கம்பி (Unshielded Twisted Pair - UTP) இரண்டு வகைப்படும்.
3. ஒளி இழை வடம் (Fiber Optic Cable) :
(i) இந்த வடம் கண்ணாடி இழைகளால் உருவாக்கப்படுகிறது. இது தகவல்களை பரிமாற ஒளி துடிப்புகளை (Pulse of Light) பயன்படுத்துகிறது.
(ii) இது முக்கியமாக பரந்த வலையமைப்பில் (WAN) பயன்படுத்தப்படுகிறது. கேபிள்களுக்கு சேதம் ஏற்படாமல் தவிர்க்க அவை தரையின் ஆழத்தில் புதைக்கப்படுகின்றன.
(iii) ஒளி இழை வடத்தில் இரண்டு வகைகள் உள்ளன. அவை ஒன்று ஒற்றை முறை ஒளியியல் வடம் மற்றொன்று பன்முறை ஒளியியல் வடம்.
4. USB கேபிள் (Universal Serial Bus):
(i) இந்த வடம் விசைப்பலகை, சுட்டி மற்றும் பிற புறச் சாதனங்களை கணினியுடன் இணைக்கப் பயன்படுத்தப்படுகிறது.
(ii) மைக்ரோ USB என்பது மொபைல் சாதனங்களை இணைப்பதற்குப் பயன்படுத்தப்படும். USB இன் சிறிய பதிப்பாகும்.
(iii) மேலும் இது ஸ்மார்ட்போன்கள், GPS சாதனங்கள்" மற்றும் டிஜிட்டல் கேமராக்கள் போன்ற சாதனங்களை இணைக்கிறது. USB இன் சமீபத்திய பதிப்பானது USB 3.0 ஆகும். இதன் தரவு பரிமாற்ற வேகம் 4.85 Cbps ஆகும்.
5. தொடர் மற்றும் இணை வடங்கள் (Serial and Parallel cable):
(i) ஈத்தர்நெட் வடங்கள் கண்டுபிடிக்கப்படுவதற்கு முன்பு வரை, கணினியை இணையத்துடன் இணைக்க தொடர் மற்றும் இணை வடங்கள் மட்டுமே பயன்படுத்தப்பட்டன.
(ii) இந்த வடங்கள் இரண்டு கணினிகளை நேரடியாக இணைக்கவும் பயன்படுத்தப்படுகின்றன. எடுத்துக்காட்டு : RS -232 வடம் 
6. ஈத்தர்நெட் வடம் (Ethernet cable) :
(i) இது முறுக்கு இணை வடத்தின் ஒரு வகையாகும். இது வீடு அல்லது அலுவலகங்களில் கணினிகளை இணைக்கப் பயன்படும் பொதுவான வடம் ஆகும்.
(ii) இந்த வடம் வளப்பகிர்வு மற்றும் இணைய அணுகலுக்காக குறும்பரப்பு வலையில் (LAN) உள்ள கம்பித் தொடர்பு சாதனங்களை இணைக்கிறது.

ஈத்தர்நெட் வடமிடலில் நான்கு முக்கிய பகுதிகள் உள்ளன.
(1) இணைப்பு வடம் (Patch Cable)
(2) RJ45 (RJ45 Connector)
(3) ஈத்தர்நெட் தொடர்பி (Ethernet Port)
(4) கிரிம்பிங் கருவி (Crimping Tool)
1. இணைப்பு வடம் (முறுக்கப்பட்ட இணை கம்பிகள்):
(i) இந்த வடங்கள் பொதுவாக எட்டு வெவ்வேறு வண்ணங்களில் தயாரிக்கப்படுகின்றன.
(ii) அவைகளில் நான்கு திட (Solid) நிறங்கள். மற்றவை கோடிடப்பட்டவை (Striped).
(iii) ஈத்தர்நெட் வடங்கள் பொதுவாக பல்வேறு தொழில்துறை தரங்களில் உற்பத்திசெய்யப்படுகின்றன.  அவை CAT 3, CAT 5, CAT 6, CAT 62, CAT 7. இதில் CAT என்பது Category என்ற வார்த்தையில் இருந்து உருவாக்கப்பட்டது.
2. RJ45 (RJ45 Connector):
(i) RJ45 இணைப்பி ஒரு தொலைபேசி ஜாக் (Jack) போலவே தோற்றமளிக்கிறது.
(ii) ஆனால் இது அளவில் சற்று பெரியது.
(iii) RJ45 இல் "RJ” என்பது Registered Jack மற்றும் "45" என்பது வடத்தின் இடைமுகத் தரத்தை குறிக்கிறது.
(iv) RJ45 ஈத்தர்நெட் இணைப்பி ஒரு சிறிய பிளாஸ்டிக் cube ஆகும்.
3. ஈத்தர்நெட் தொடர்பி:
(i) ஈத்தர்நெட் தொடர்பி என்பது ஈதர்நெட் அட்டையின் ஒரு திறவுப் (Opening) பகுதியாகும். இது ஈத்தர்நெட் வடத்தின் RJ45 இணைப்பியை ஏற்கிறது.
(ii) தனியாள் கணினிகள், மடிக்கணினிகள், திசைவிகள், சுவிட்சுகள், மையங்கள் (hub) மற்றும் மோடம்கள் போன்றவற்றில் இது காணப்படுகிறது.
4. கிரிம்பிங் கருவி (Crimping Tool):
(i) Crimping என்பது இரண்டு அல்லது அதற்கு மேற்பட்ட கம்பிகள் ஒன்றை ஒன்று பற்றிக் கொள்ளும் வகையில் இணைக்கும் செயலாகும்.
(ii) ஈத்தர்நெட் வடமிடலின் முக்கிய செயல் 45 இணைப்பியை முறுக்கு இணைக்கம்பியின் இருபுறமும் இணைப்பதாகும்.
(iii) crimping கருவி என்பது வடத்துடன் ஈத்தர்நெட் இணைப்பியை இணைக்கப் பயன்படும் ஒரு கருவி ஆகும்.

பதிவு செய்யப்பட்ட ஜாக்குகள்:
(i) பொதுவாக RJ என்று அழைக்கப்படும் Registered Jack என்பது வலையமைப்பு வடமிடல், வயரிங் மற்றும் ஜாக் கட்டுமானத்திற்காக பயன்படுத்தப்படும் வலையமைப்பு இடைமுகமாகும்
Registered Jack என்பது இணைப்பி (male connector / Plug), தொடர்பி (female connector / Jack) மற்றும் அதன் வயரிங் ஆகியவற்றை ஒன்றாகச் சேர்த்துக் குறிக்கிறது.
பதிவுசெய்யப்பட்ட ஜாக் வகைகள்:
1. RJ - 11:
(i) இது பதிவுசெய்யப்பட்ட ஜாக்கின் மிகவும் பிரபலமான வடிவமாகும்.
(ii) இது வீடு மற்றும் அலுவலங்களில் தொலைபேசி இணைப்பிற்குப் பயன்படுத்தப்படுகிறது.
(iii) RJ-11 இல் ஆறு ஊசிகள் (6 PINS) உள்ளன.
(iv) அவற்றில் 2 ஊசிகள் தகவலை அனுப்புவதற்கும் 2 ஊசிகள் தகவலைப் பெறுவதற்கும் மீதம் 2 ஊசிகள் பயன்படுத்தபடாமலும் விடப்பட்டிருக்கும். 
2. RJ - 14 மற்றும் RJ - 61:
(i) RJ-14 என்பது RJ-11 போன்று தொலைபேசி இணைப்பில் பயன்படுத்தப்படுகிறது.
(ii) இதிலும் 6 ஊசிகளே பயன்படுத்தப்படுகின்றன.
(iii) ஆனால் RJ-61 எட்டு ஊசிகளை கொண்டிருக்கும்.
(iv) இந்த RJ -61 வலையமைப்பு கருவிகளை இணைப்பதற்கு, முறுக்கு இணை கம்பிகளை பயன்படுத்துகிறது.
3. RJ - 21:
(i) இந்த இணைப்பான் ஒரு முனையில் 25 ஊசிகளும் அடுத்த முனையில் 25 ஊசிகளுமாக மொத்தம் 50 ஊசிகளைக் கொண்டுள்ளது.
(ii) இது சாம்ப் (Champ) இணைப்பி அல்லது ஆம்பனோல் (Amphenol) இணைப்பி எனவும் அழைக்கப்படுகிறது.
(iii) Amphenol என்பது இணைப்பியை உற்பத்தி செய்யும் நிறுவனம் ஆகும்.
(iv) RJ- 21 இடைமுகமானது தரவுத் தொடர்பைப் பிரித்தனுப்பும் பயன்பாடுகளில் பொதுவாக பயன்படுத்தப்படுகிறது.