"இத்தனை கொடுமைகள் நிகழ்ந்த பிறகும் இவ்வுலகம் பிளந்து வெடிக்காமல் இருக்கிறதே !
"வானம் இடிந்து விழவில்லையே !
"கடல்நீர் வற்றிவிடவில்லையே !
"உலகம் இன்னும் அழியாமல் தாமதிப்பதும் ஏனோ ?" என்று இறைமகனாரின் இன்னலைக் கண்டு மக்கள் புலம்பினர்.

உண்டால் அம்ம எனத் தொடங்கும் புறநானூற்றுப் பாடலானது வெட்சிமுதல் பாடானவரை உள்ள திணைகளில் கூறப்படாத செய்திகளையும் பிற பொதுவான செய்திகளையும் தொகுத்துக் கூறுகிறது அதாவது 
தமக்காக உழைக்காமல் பிறருக்காக உழைப்பவர்கள் அமிழ்தமே கிடைத்தாலும் தனித்து உண்ண மாட்டார்கள் 
யாரையும் வெறுக்க மாட்டார்கள் 
சோம்பலின்றிச் செயல்படுவார்கள் 
பிறர் அஞ்சக்கூடியவற்றுக்குத் தாமும் அஞ்சுவார்கள் 
புகழ்கிடைக்கும் என்றால் தம் உயிரையும் கொடுப்பார்கள் 
உலகம் முழுவதும் கிடைப்பதாக இருந்தாலும் பழிவரும் செயல்களைச் செய்யமாட்டார்கள் 
எதற்கும் மனம் தளர மாட்டார்கள் 
என்ற பொதுவான செய்திகளைக் கூறுவதால் இப்புறநானூற்றுப் பாடல் பொதுவியல் திணைக்கு உரியதாயிற்று

1. தாளாற்றித் தந்த பொருளெல்லாம் தக்கார்க்கு 
  வேளாண்மை செய்தற் பொருட்டு 
2. வசையொழிய வாழ்வாரே வாழ்வார் இசையொழிய 
   வாழ்வாரே வாழா தவர் 
3. பண்புடையார்ப் பட்டுண்டு உலகம் அதுவின்றேல் 
   மண்புக்கு மாய்வது மன் 
4. கலங்காது கண்ட வினைக்கண் துளங்காது 
  தூக்கங் கடிந்து செயல் 
5. அஞ்சுவது அஞ்சாமை பேதைமை அஞ்சுவது 
  அஞ்சல் அறிவார் தொழில் 
6. விருந்து புறத்ததாத் தானுண்டல் சாவா 
   மருந்தெனினும் வேண்டற்பாற் றன்று 

இடம் : 'இரட்சணிய யாத்திரிகம்' என்னும் நூலில், கொடியவர்கள் இறைமகன்மீது பகை கொண்டு அவருக்கு இழிவான செயல்களைச் செய்தனர். அப்போது இறைமகனின் நிலையை நூலாசிரியர் 'ஈசன் மகன் நின்றனர் ஓர் ஏழையென ஓர்மின்' எனக் கூறுகிறார்.
பொருள் : எந்த உதவியும் பெற இயலாத ஏழை ஒருவனைப் போல இறைமகன் அமைதியுடன் நின்றார். இதனை எண்ணிப்பாருங்கள்.
விளக்கம் : பகைவர்கள் இறைமகனைக் கயிற்றால் கட்டும்போது அதற்கு அவர் உடன்பட்டு நின்றார். தமக்கு இழிவான செயல்களைச் செய்த அம்மனிதர்கள், காலம் முழுவதும் துன்பத்தில் இருப்பார்களே என்று எண்ணி, அவர்களுக்காக இரக்கப்பட்டு, அன்பு என்னும் உறுதியான கட்டிலிருந்து விடுபட முடியாமல், எந்த உதவியும் பெற இயலாத ஓர் ஏழையைப் போல அமைதியுடன் நின்றார். இதை எண்ணிப் பாருங்கள் என்கிறார், ஆசிரியர்.

குறிப்புச் சட்டகம் :
1. முன்னுரை 
2. நிர்வாக மேலாண்மை 
3. நிதி மேலாண்மை 
4. நல்வழி கூறும் மேலாண்மை 
5. முடிவுரை 


1. முன்னுரை :
மனித இனம் தோன்றியபோதே மேலாண்மையும் செயல்படத் தொடங்கி விட்டது தடைக்கற்களைப் படிக்கற்களாக மாற்ற மேலாண்மையே ஒருவருக்கு அவசியமாகும் ஒருவர் எத்தொழிலைத் தொடங்கினாலும் திட்டமிடல் செயல்படுதல் ஆகிய நிர்வாக முறைகள் சிறப்பாக அமைய வேண்டும் 
2. நிர்வாக மேலாண்மை:
உயர்பதவியில் இருப்பவர்கள் எல்லாவற்றிலும் நிபுணத்துவம் பெற்றவர்களாக இருப்பது சாத்தியமில்லை திறமைசாலிகள் யார் என்பதை அறிந்து அவர்களை அருகில் வைத்துக்கொள்ளல் வேண்டும் தெரிந்திருப்பது ஒருவகை அறிவு என்றால் யாருக்குத் தெரியும் எனத் தெரிந்திருப்பது மற்றொரு அறிவு இதனையே நாலடியார் கல்லாரே யாயினும் கற்றாரைச் சேர்ந்தொழுகின் நல்லறிவு நாளுந் தலைப்படுவர் என்று குறிப்பிடுகிறார் 
3. உரிய நேரத்தில் விதைத்தல் :
நிர்வாகத்தில் வரவையே செலவைத் தீர்மானிக்க வேண்டும் வரவைத்தாண்டி செலவு செய்பவன் அடுத்தவர்களிடம் கையேந்த வேண்டிய அவல நிலைக்குத் தள்ளப்படுவான் 
4. நல்வழி கூறும் மேலாண்மை :
வரவுக்கு மேல் செலவு செய்பவர்களின் பெருமை அழிந்து அவர்களின் அறிவு கெட்டுவிடும் அவர்கள் போகும் திசைகளில் எல்லாம் திருடன் என்ற இழிபெயரை ஏற்க வேண்டிய நிலை வரும் எழுவகைப் பிறப்புகளிலும் இப்பாவம் தொடரும் நல்லவர்களுக்கும் பொல்லாதவனாக வாழ்வான் இதனை ஆராய்ந்து அறிவாயாக என ஒளவையார் தன் நல்வழி நூலில் அறிவுறுத்துகிறார் எனவே வருவாய்க்கு அதிகமாக செலவு செய்யக்கூடாது 
5. முடிவுரை :
அடுத்தவர் நலனுக்காக வாழ்பவரே தலைமைப் பண்புமிக்கவர் அமுதமே கிடைத்தாலும் தனித்து உண்ணாதவர் இத்தகைய பண்பால்தான் அதியன் ஒளவைக்கு நெல்லிக்கனியைத் தந்தான் இவ்வாறு நிர்வாக நெறிகளை இலக்கியங்கள் பகிர்ந்துள்ளன என்று வெ. இறையன்பு கூறுகிறார் 


           "மேலாண்மை மேன்மை தரும்"

முன்னுரை :
எச். ஏ. கிருட்டிணனாரின் இரட்சணிய யாத்திரிகம் ஜான் பன்யன் என்பவர் ஆங்கிலத்தில் எழுதிய 'பில்கிரிம்ஸ் புரோகிரஸ்' என்னும் ஆங்கில நூலின் தழுவல் ஆகும். எச்.ஏ. கிருட்டிணனார் கம்பரின் கவிநடையைப் பின்பற்றி இரட்சணிய யாத்திரிகத்தை இயற்றியுள்ளார்.
மாசில்லாத அருள்நிறைந்த இறைமகன் :
அன்பு என்னும் உறுதியான கட்டிலிருந்து விடுபட முடியாமல், எந்த உதவியும் பெற இயலாத ஏழை ஒருவனைப் போல அமைதியுடன் நின்றார் இறைமகன் என்பதை,
"நேசம் எனும் வல்லியதை நீக்க வசம் இன்றி
ஈசன்மகன் நின்றனர் ஓர் ஏழையென ஓர்மின்"
என்கிறார்.
கொடியோர் ஒன்றுகூடிக் கூறிய இகழ்ச்சி மொழி எனும் கொடிய தீக்கொள்ளியானது மாசில்லாத அருள் நிறைந்த இறைமகன் இதயத்தில் அழுந்தியது என்பதை, "பாதகர் குழுமிச் சொற்ற பழிப்புரை என்னும் கொள்ளி” என்கிறார்.
இவை போன்ற உவமை, உருவகத்தொடர்களை உள்ளத்திற்குக் களிப்பூட்டும் வகையில் காப்பியம் முழுவதும் எச். ஏ. கிருட்டிணனார் தருகிறார்.
வற்றிய கிணறு கடலை அடக்க முடியுமா ? :
இறைமகனுக்குத் தண்டனை பெற்றுத்தர கொடியவர்கள் உறுதியாய் இருந்ததை, 'வற்றிய கிணறு தனக்குள் கடலை அடக்கிக்கொள்ள முடியுமா ?' என்னும் அழகான கற்பனை நயத்தோடு வெளிப்படுத்துகிறார், கிருட்டிணனார்.
இறைமகனுக்கு நேர்ந்த இன்னல் :
இறைமகன் கையிலிருந்த கோலினைப் பிடுங்கிய முரடர்கள், முள்முடியை அவரது தலையின்மீது சூட்டி வன்மையாய் அடித்து வேதனையுறச் செய்தனர். மேலும், அவர் திருமுகத்தில் எச்சிலை உமிழ்ந்து, திட்டிப் பழித்துக் கேலி செய்தனர்.
மக்களின் புலம்பல் :
இறைமகனாருக்கு நேர்ந்த இன்னலைப் பார்த்த மக்கள்,
"இத்தனை கொடுமைகளுக்குப் பிறகும்
இவ்வுலகம் பிளந்து வெடிக்கவில்லையே...... !
வானம் இடிந்து விழவில்லையே.......!
கடல்நீர் வற்றிப் போகவில்லையே.......! இஃது என்னே !
இந்த உலகம் இன்னும் அழியாமல்
தாமதிப்பதும் ஏனோ ?”
என்று கூறுவதாய்க் கிருட்டிணனார் குறிப்பிடும் கற்பனை கம்பரையே நமக்கு நினைவூட்டுகிறது.
முடிவுரை :
எச்.ஏ. கிருட்டிணனாரின் கவிநடை. கம்பரின் கவிநடையைப் போன்றே அமைந்துள்ளதை அறிந்த தமிழ் இலக்கிய ஆர்வலர்கள், மனம் திறந்து இவரைக் ‘கிறித்தவக் கம்பர்' என்று பாராட்டி மகிழ்ந்தனர்.

ஏவல் பன்மை வினைமுற்று

வினையெச்சங்கள்

பண்புத்தொகைகள்

பாதகர் குழுமிச் சொற்ற பழிப்புரை என்னும் கொள்ளி
ஏதமில் கருணைப் பெம்மான் இருதயத்து ஊன்ற ஊன்ற
வேதனை உழந்து சிந்தை வெந்து புண்பட்டார் அல்லால்
நோதகச் சினந்தோர் மாற்ற நுவன்றிலர் கரும நோக்கி.*

1. சரியான பயிரைத் தேர்ந்தெடுத்து உரிய காலத்தில் விதைத்தால் வேளாண்மை செழிக்கும் 
2. அதுபோல எந்தச் செயலையும் அதற்குரிய காலம் இடம் அறிந்து செய்தால் உலகத்தையே அடைய நினைத்தாலும் கைகூடும் 

மக்களுக்கு நலம் செய்யும் வாழ்வியல் நெறிகளை எடுத்துக் கூறுதல் பொருண்மொழிக்காஞ்சித் துறை ஆகும்

தமிழர்கள் 
 புகழ் கிடைக்கும் என்றால் தம் உயிரையும் கொடுப்பார்கள் 
 ஆனால் உலகம் முழுவதும் கிடைப்பதாக இருந்தாலும் பழிவரும் செயல்களைச் செய்யமாட்டார்கள் எனப் புறநானூறு கூறுகிறது 
"புகழ்எனின் உயிருங் கொடுக்குவர் பழியெனின் உலகுடன் பெறினும் கொள்ளலர் புறநானூறு"

 1. வேளாண்மையிலும் மேலாண்மைக் கூறுகள் உண்டு 
 2. சரியான பயிரைத் தேர்ந்தெடுத்தல் 
 3. உரிய நேரத்தில் விதைத்தல் 
 4. நீர் மேலாண்மையை நெறிப்படுத்துதல் 
 5. அறுவடைக்குப்பின் பாதுகாத்தல் 
 6. உரிய விலை வரும்வரை இருப்பு வைத்தல் 
 இவ்வாறு ஒவ்வொரு கட்டத்திலும் விழிப்புணர்வும் பொறுப்புணர்வும் நிர்வாக நெறியும் இணைந்திருந்தால்தான் வேளாண்மைத் தொழில் செழிக்கும்