மின்- வணிகம் என்பது கணிப்பொறி வலையமைப்புகள் வழியாகப் பொருட்கள், சேவைகள் அல்லது தகவல்களை வாங்கும் அல்லது விற்கும் வழிமுறை ஆகும்.

மின் தொழில்	மின் வணிகம்
மின் தொழில் என்பது நிறுவனத்தின் ஒவ்வொரு உள் மற்றும் வெளி நடவடிக்கைகளான மூலப்பொருட்கள் கொள்முதல், விற்பனை, நிதி, உற்பத்தி மற்றும் பேச்சுவார்த்தை போன்ற அனைத்திற்கும் முற்றிலும் இணையத்தைச் சார்ந்துள்ளது.	மின் - வணிகம் இணையம் மூலம் நடைபெறும் வர்த்தக பரிவர்த்தனை ஆகும்

(i) Network simulator என்ற மென்பொருள் கணினி வலையமைப்பின் செயல்பாட்டு மாதிரியை காட்டும் மென்பொருள் ஆகும்.
(ii) சிமுலேட்டரில் வலையமைப்பானது அதில் உள்ள சாதனங்கள், தகவல் பாய்வு போன்றவற்றால் விளக்கப்பட்டு அதன் செயல்பாடுகள் ஆராயப்படுகிறது.

(i) சிமுலேசனின் முக்கிய வெளியீடு டிரேஸ் கோப்பு ஆகும்.
(ii) ட்ரேஸ் கோப்புகள் சிமுலேசனின் ஒவ்வொரு செயல்பாட்டையும் ஆவணமாக்குகிறது.
(iii) இதன்மூலம் வலையமைப்பு செயல்பாட்டை சோதிக்கலாம்.

(i) NS2 என்பது Network Simulation பதிப்பு 2 என்பதன் சுருக்கமாகும்.
(ii) இது பொதுவாக வலையின் தொடர்பு மற்றும் நிகழ்வு சார்ந்த ஆய்வுக்கான திறந்த மூல சிமுலேசன் வகை சார்ந்த மென் பொருள் ஆகும்.
(iii) NS2 உருவாக்க மற்றும் இயக்க OTCL மற்றும் C++ உதவுகின்றன.

USB (Universal Serial Bus) வடம் விசைப்பலகை, சுட்டி மற்றும் பிற புறச் சாதனங்களை கணினியுடன் இணைக்கப் பயன்படுகிறது

RJ-21 இணைப்பான் ஒரு முனையில் 25 ஊசிகளும் அடுத்த முனையில் 25 ஊசிகளுமாக மொத்தம் 50 ஊசிகளைக் கொண்டுள்ளது. இது சாம்ப் இணைப்பி அல்லது ஆம்பனோஸ் இணைப்பி எனவும் அழைக்கப்படுகிறது.

இணையச்சு வடம் (Coaxial cable):
(i) இவ்வகை வடம் தொலைக்காட்சியை அலைவாங்கியுடன் (antenna) இணைக்கப் பயன்படுகிறது.
(ii) இது உட்பகுதியில் தாமிரக் கம்பியைக் கொண்டு சுற்றிலும் காப்பிடப்பட்டு பாதுகாக்கப்பட்டிருக்கும். இவை அளவில் பெரியவை என்பதால் எடுத்துச் செல்வதும் மாற்றுவதும் கடினமானது.
(iii) இதனால் இதனை நிறுவுவதும் பராமரிப்பதும் எளிதல்ல. இது 10 mbps வேகத்தில் தகவலை பகிர்கிறது.
(iv) இந்த வடம் இலகு வலை (Thinnet) வடம் மற்றும் தடிமன் வலை (Thicknet) வடம் என இரண்டு வகைப்படும்.

1. மின் வணிகத்தின் வளர்ச்சி என்பது சமூக தொழில்நுட்ப மாற்றங்களுடனும் தொடர்புடையது
2. ஊடகம் ஆழமாக வேரூன்ற, அதிக பயனர்கள் அதை நோக்கி ஈர்க்கப்படுவார்கள்
3. பயனர்கள் அதிகரித்தால், சந்தை விரிவடையும், சந்தை விரிவடையும்போது, மேலும் வணிக நிறுவனங்கள் ஈர்க்கப்படுகின்றன
4. அதிக வர்த்தக நிறுவனங்கள் போட்டியை உருவாக்கும், போட்டி புதுமைக்கு வழிவகுக்கிறது. தொழில் நுட்பம் மின் வணிக வளர்ச்சிக்கு உதவுகிறது

வணிகம் - வணிகம் (B2B):
(i) B2B மின்-வணிகத்தில், இணையத்தின் மூலம் பல்வேறு வணிக நிறுவனங்களுக்கு இடையே வர்த்தக பரிமாற்றங்கள் நடைபெறுகின்றன.
(ii) எடுத்துக்காட்டாக, ஒரு மிதிவண்டி தயாரிப்பு நிறுவனம் தங்கள் மிதிவண்டிகளுக்குத் தேவையான டையர்களை (tyres) மற்றொரு நிறுவனத்திடமிருந்து கொள்முதல் செய்தல்.
(iii) பிற மாதிரிகளை ஒப்பிடுகையில், மொத்த கொள்முதல் காரணமாக B2B மாதிரியில் ஒவ்வொரு பரிவர்த்தனையின் மதிப்பும் அதிகமாக இருக்கும்.
(iv) "மொத்த கொள்முதல் மீதான தள்ளுபடி” என்ற அனுகூலமும் இவ்வகை நிறுவனத்திற்குக் கிடைக்கும்.

திறந்த மூல வலையமைப்பு மென்பொருளின் பயன்கள்:
(i) இலவசமாகவும் எந்த ஒரு கட்டுப்பாடுகள் இன்றியும் இதனை உபயோகப்படுத்தலாம்.
(ii) நமது கருத்துகளையும் ஆலோசனைகளையும் திறந்த மூல மென்பொருள் குழுவிற்கு தெரிவிக்க இயலும்.
(iii) பல்வேறு திறன்களை கற்றுக்கொள்ளவும். கருத்துக்களை அறிந்துகொள்ளவும் உதவுகின்றன.
(iv) மென்பொருளில் தேவைப்படக்கூடிய அடிப்படை அம்சங்களை இணைத்துக் கொள்ளும் வசதி உள்ளது. பயனாளர்களுக்கு சிறந்ததாக உள்ளது.

(i) இலவச மென்பொருள் என்ற கருத்து 1980 களில் MIT யை சேர்ந்த ரிச்சர்ட் ஸ்டால்மேன் என்ற ஆராய்சியாளரால் உருவாக்கப்பட்டது
(ii) பயனர் தங்களது விருப்பம் போல் மென் பொருளை பயன்படுத்த உரிமை அளிக்கிறது.
(iii) இலவச மென் பொருள் என்பது பயனர் எந்தவித செலவுமின்றி தரவிறக்கம் செய்து பயன்படுத்தக் கூடிய தனியுரிமை மென்பொருள். எவ்வாராயினும் அதன் மூலக்குறிமுறையை மாற்ற முடியாது.

1. C2C மின் - இணையம் மூலம் இணைக்கப்பட்ட நுகர்வோர்களுக்கிடையே பொருள்கள் அல்லது சேவைகளை வர்த்தகம் செய்ய வாய்ப்பளிக்கிறது.
2. இணையத்தைப் பயன்படுத்தி இரு நுகர்வோர்கள் அவர்களுக்குள் எதாவது ஒன்றை வாங்குவதோ விற்பனை செய்வதோ C2C மின் - வணிகம் எனக் குறிப்பிடப்படுகிறது.
3. இந்த வகை மின்-வணிகம், நுகர்வோர் - வணிகம் நுகர்வோர் (C2B2C) என்ற அமைப்பில் வேலை செய்கிறது.
4. பெரும்பாலான ஏல இணையதளங்கள் மற்றும் திருமண தகவல் இணையதளங்கள் இந்த முறையில் வேலை செய்கின்றன.
எ.கா: தனது சொத்துக்களை விற்க விரும்பும் ஒரு வாடிக்கையாளர் இணையத்தில் ஒரு விளைபரத்தை பதிவு செய்யலாம். ஒரு சொத்தை வாங்குவதில் ஆர்வமுள்ள மற்றோரு நபர், இந்த தலத்தில் பதிவிட்ட சொத்து விளம்பரங்களை பார்வையிட முடியும்.

RJ45 இணைப்பி:
(i) RJ45 இணைப்பி ஒரு தொலைபேசி ஜாக் (Jack) போலவே தோற்றமளிக்கிறது.
(ii) ஆனால் இது அளவில் சற்று பெரியது. RJ45 இல் "RJ" என்பது Registered Jack மற்றும் "45" என்பது வடத்தின் இடைமுகத்தரத்தை குறிக்கிறது.
(iii) RJ45 ஈத்தர்நெட் இணைப்பி ஒரு சிறிய பிளாஸ்டிக் cube ஆகும். இதில் எட்டு ஊசிகள் (pins) உள்ளன. RJ45 இணைப்பிகள் ஈத்தர்நெட் வடத்தின் இருமுனைகளிலும் இணைக்கப்பட்டுள்ளது.
(iv) இது 8P8Cஇணைப்பி என்றும் அறியப்படுகிறது. இந்த இணைப்பி (பிளக்) பின்னர் வலைமையப்பு அட்டையின் ஈத்தர்நெட் தொடர்பியில் செருகப்படுகிறது.

(i) RS-232 என்பது ஒரு வகை தொடர் வடம் (Serial Cable) ஆகும்.
(ii) ஈதர்நெட் கிராஸ்ஓவர் வடங்கள் போலவே, RS-232 வடமும் மோடமின்றி இரண்டு கணினிகளை இணைக்கப் பயன்படுகிறது.
(iii) எனவே இது ஒரு பூஜ்ய மோடம் வடம் ஆகும்.
(iv) ஒரு வடம் இரண்டு சாதனங்களை ஒன்றோடொன்று நேரடியாக இணைத்தால் அது பூஜ்ய மோடம் எனப்படுகிறது.

(i) ஒளி இழை வடத்தில் இரண்டு வகைகள் உள்ளன.
(ii) அவை ஒன்று ஒற்றை முறை ஒளியியல் வடம் (Single mode Cable) மற்றொன்று பன்முறை ஒளியியல் வடம் (Multimode Cable).
(iii) ஒற்றை முறை வடங்கள் தொலைதூர பரிமாற்றத்திற்கு உதவுகின்றன.
(iv) மேலும் இவை விலை அதிகமானவை.
(v) குறைந்த தூரத்திற்கு தகவல் பரிமாறப் பயன்படும் பன்முறை ஒளியியல் வடம் விலை மலிவானவை.
(vi) ஒளியில் வடங்களை நிறுவுவதும் பராமரிப்பதும் மிக எளிது.

1. வணிகம் - வணிகம் (B2B)
2. வணிகம் - நுகர்வோர் (B2C)
3. வணிகம் - அரசாங்கம் (B2G)
4. நுகர்வோர் - வணிகம் (C2B)
5. நுகர்வோர் - நுகர்வோர் (C2C)
6. நுகர்வோர் - அரசாங்கம் (C2G)
7. அரசாங்கம் - வணிகம் (G2B)
8. அரசாங்கம் - நுகர்வோர் (G2C)
9. அரசாங்கம் - அரசாங்கம் (G2G)
1. வணிகம் - நுகர்வோர் (B2C):
(i) B2C மின் வணிகத்தில் வணிக நிறுவனங்கள் மற்றும் அதன் இறுதி - நுகர்வோருக்கு இடையே இணையகம் வழியாக நேரடி வர்த்தகம் நடைபெறுகிறது
(ii) B2C நிறுவனங்கள், வாடிக்கையாளர்களுக்கு நிகழ்நிலையில் பொருட்கள், தகவல் (அ) சேவைகளை அதிக தனிப்பட்ட மற்றும் சக்தி வாய்ந்த சூழலில் விற்பனை செய்கின்றன
(iii) ஒரு மரனு சார்ந்த கடைக்காரருக்கு உண்மையான போட்டியாளராக் கருதப்படுகிறது
(iv) இவ்வகை மின் - வணிக மாதிரி நுகர்வோருக்குப் பயனளிக்கக் கூடியது. மின் வணிகம் இணையத்தின் சில்லறை விற்பனையாகமாக செயல்படுகிறது என்றும் கூறலாம்
எ.கா: வாடிக்கையாளர்களுக்குப் புத்தகங்களை நேரடியாக விற்பனை செய்யும் ஒரு புத்தக நிறுவனம்
2. வணிகம் - அரசாங்கம் (B2G):
(i) B2G என்பது பொருட்கள், சேவைகள் (அ) தகவல்களை அரசாங்கத்திற்கோ (அ) அதன் நிர்வாகத்திற்கோ விற்பனை செய்யும் வியாபார அமைப்புகளைக் குறிப்பிடும் ஒரு வணிக மாதிரியாகும்
(ii) ஒரு நிறுவனம் தனது பொருட்கள் அல்லது சேவைகளுக்கு இணையம் மூலம் அரசாங்கத்திடம் பணம் பெறும் போது அது B2G மின் வணிக மாதிரி என்று அழைக்கப்படுகிறது.
எ.கா: ஒரு அரசு (அ) அதன் நிர்வாகம் ஒரு வணிக நிறுவனத்திடமிருந்து மாணவர்களுக்கான மடிக்கணிக்களை வாங்குதல்
3. நுகர்வோர் - வணிகம் (C2B)
(i) இந்த மின் - வணிக மாதிரியில் வாடிக்கையாளர்களால் பரிவர்த்தனை துவக்கப்படுகிறது
(ii) குறிப்பிட்ட விலை (அ) தேவைகளில் தொகுப்பை நிர்ணயித்து நுகர்வோர்கள் ஒரு சேவை (அ) பொருளைக் கோருவோர்கள்
(iii) C2B மாதிரி தலைகீழ் ஏல மாதிரி என்றும் அழைக்கப்படுகிறது. இங்கு வாடிக்கையாளர் ஒரு சேவை அல்லது ஒரு தயாரிப்புக்கான விலையை நிர்ணயம் செய்கிறார்.
(iv) பின் அந்த வலைத்தளம் வாடிக்கையாளரின் தேவைகளைச் சிறப்பாகப் பூர்த்தி செய்யும் பல்வேறு வாய்ப்புகளை கண்டறியும்.
எ.கா: ஒரு பயண வலைத்தளத்தில் ஒரு வாடிக்கையாளர் அவரது பயண தேதி, புறப்படும் மற்றும் சேரும் இடம், பயணிகளின் எண்ணிக்கை மற்றும் தங்கும் விடுதியின் தரம் போன்றவற்றைக் குறிப்பிடலாம்
4. நுகர்வோர் - அரசாங்கம் (C2G):
(i) C2G மின் வணிகத்தில் நுகர்வோரும் அரசும் ஈடுபடுகின்றனர். இங்கு ஒரு தனி நுகர்வோர் அரசாங்கத்துடன் தொடர்பு கொள்கிறார்
(ii) C2G மாதிரிகள் வழக்கமாக வருமான வரி அல்லது வீட்டு வரி செலுத்துதல்கள், சான்றிதழ்கள் அல்லது பிற ஆவணங்களை வழங்குவதற்கான கட்டணங்கள் செலுத்துதல் ஆகியவை அடங்கும்

வழக்கமான முறையில் பொருட்களை விற்பது மட்டுமின்றி, இணையத்தளம் மூலம் பணம் ஈட்ட ஒரு நிறுவனத்திற்கு பல வழிகள் உள்ளன. மின்-வணிக செயல்பாடுகளின் பிற வடிவங்கள்:
1. துணை இணையதளம் (Affiliate website) என்பது மூன்றாம் தரப்பு சந்தைப்படுத்துதலின் ஒரு வடிவம் ஆகும். இதில் தள உரிமையாளர் செயல்திறன் அடிப்படையில் பணம் பெறலாம். இந்த துணைத் தளம் என்பது ஒரு விலை ஒப்பீடு சேவை, வணிக விவரக்குறிப்புகள், சாதாரண சில்லறை விற்பனை இணையதளத்திற்கு ஒரு மீத்தொடுப்பை கொண்ட வலைப்பக்கம் அல்லது வலைப்பதிவாகவும் இருக்கலாம்.
2. மின்-ஏல இணையதளம் (Auction website) என்பது இணையத்தில் பொருட்களை ஏலம் மூலம் விற்க உதவும் ஒரு வகை வலைத்தளம் ஆகும். மேலும் இது ஒவ்வொரு விற்பனையிலிருந்தும் விற்பனை தரகைப் (commission) பெறும். : https://www.ebay.com/
3. பதாகை விளம்பர தளம்: பிற நிறுவனங்களில் விளம்பரங்களை தனது வலைப்பக்கங்களில் காட்சிப்படுத்துகிறது. அதன் மூலம் வருவாய் ஈட்டவும் செய்கிறது
4. மொத்த கொள்முதல் இணையதளம் (Bulk-buying websites). ஒரே வகையான பொருட்களை வாங்க விரும்பும் பல நுகர்வோர்களையும் ஒன்றாகச் சேகரிக்கும். பின் தளம் உற்பத்தியாளருடன் தள்ளுபடி பேச்சுவார்த்தை செய்து அதில் ஒரு விற்பனை தரகைப் (commission) பெறுகிறது. எடுத்துக்காட்டு https://www.alibaba.com/
5. எண்முறை பதிப்பக இணையதளம் (Digital Publishing websites) இணையத்தில் மின்-புத்தகங்கள் அல்லது மின்-சஞ்சிகைகளைத் திறம்படப் பதிப்பிக்கிறார்கள். விளம்பரம், விற்பனை போன்ற பல வழிகளில் அவர்கள் லாபம் ஈட்டுகிறார்கள். https://wordpress.org/

திறந்த மூல மென்பொருளின் நன்மைகள்:
(i) பலவித திறந்த மூல மென்பொருள்கள் உள்ளன. எனவே நமக்குப் பொருத்தமான மென்பொருளை தேர்ந்தெடுத்து பயன்படுத்த முடியும்.
(ii) மென்பொருளின் அனைத்து வசதிகளையும் எந்தவித செலவும், கட்டுப்பாடும் இன்றி பயன்படுத்த முடியும்.
(iii) நமது திட்டம் / கருத்துக்களை குழுவிடம் பகிர்ந்து கொள்ளவும், குறிமுறைகளை எழுதி அதை பலரிடம் பகிரவும் முடியும்.
(iv) குழுவில் உள்ள பலரது நிரல் எழுதும் உத்திகளை அறிய முடிவதால் நமது நிரல் எழுதும் திறனை வளர்த்துக் கொள்ள முடியும்.
(v) திறந்த மூல மென்பொருளில் உள்ள குறிமுறைகள் ஆர்வத்துடன் இணைந்த பல நிரலர்கள் மூலம் உருவாக்கப்படுகின்றன. எனவே நாம் நிரலில் ஏதேனும் பிழை இருப்பதாகத் தெரிவித்த அது குழுவில் உள்ள பலரால் விரைவாக செய்யப்படும்.
(vi) நாம் திறந்த மூல மென்பொருளில் மாற்றம் செய் முடிவதால் நமக்குத் தேவையான வசதியை மெ பொருளில் சேர்த்துக் கொள்ள முடியும். பல திறந்த மூல மென்பொருள்கள் பயனர் பயன்படுத்த எளிதானவை.

வலையமைப்பில் பல்வேறு வகையான வடங்கள் பயன்பாட்டில் உள்ளன. அவற்றில் சில வகைகள் இங்கே கொடுக்கப்பட்டுள்ளன.
1. இணையச்சு வடம் (Coaxial Cable):
(i) இவ்வகை வடம் தொலைக்காட்சியை அலைவாங்கியுடன் (antenna) இணைக்கப் பயன்படுகிறது.
(ii) இது உட்பகுதியில் தாமிரக் கம்பியைக் கொண்டு சுற்றிலும் காப்பிடப்பட்டு பாதுகாக்கப்பட்டிருக்கும். இவை அளவில் பெரியவை என்பதால் எடுத்துச் செல்வதும் மாற்றுவதும் கடினமானது.
(iii) இதனால் இதனை நிறுவுவதும் பராமரிப்பதும் எளிதல்ல. இது 10 mbps வேகத்தில் தகவலை பகிர்கிறது.
(iv) இந்த வடம் இலகு வலை (Thinnet) வடம் மற்றும் தடிமன் வலை (Thicknet) வடம் என இரண்டு வகைப்படும்.
2.முறுக்கு இணை வடம் (Twisted Pair Cable) :
(i) இரண்டு அல்லது அதற்கு மேற்பட்ட காப்பிடப்பட்டு முறுக்கப்பட்ட கம்பிகளின் தொகுப்பாகும்.
(ii) இதில் மின்காந்தக் குறுக்கீட்டை தவிர்ப்பதற்காக 8 கம்பிகள் முறுக்கப்பட்ட வடிவில் அமைக்கப்பட்டிருக்கும்.
(iii) முறுக்கு இணை கம்பிகள் காப்பிடப்பட்ட முறுக்கு இணை கம்பி (Shielded Twisted pair - STP) மற்றும் காப்பில்லாத முறுக்கு இணை கம்பி (Unshielded Twisted Pair - UTP) இரண்டு வகைப்படும்.
3. ஒளி இழை வடம் (Fiber Optic Cable) :
(i) இந்த வடம் கண்ணாடி இழைகளால் உருவாக்கப்படுகிறது. இது தகவல்களை பரிமாற ஒளி துடிப்புகளை (Pulse of Light) பயன்படுத்துகிறது.
(ii) இது முக்கியமாக பரந்த வலையமைப்பில் (WAN) பயன்படுத்தப்படுகிறது. கேபிள்களுக்கு சேதம் ஏற்படாமல் தவிர்க்க அவை தரையின் ஆழத்தில் புதைக்கப்படுகின்றன.
(iii) ஒளி இழை வடத்தில் இரண்டு வகைகள் உள்ளன. அவை ஒன்று ஒற்றை முறை ஒளியியல் வடம் மற்றொன்று பன்முறை ஒளியியல் வடம்.
4. USB கேபிள் (Universal Serial Bus):
(i) இந்த வடம் விசைப்பலகை, சுட்டி மற்றும் பிற புறச் சாதனங்களை கணினியுடன் இணைக்கப் பயன்படுத்தப்படுகிறது.
(ii) மைக்ரோ USB என்பது மொபைல் சாதனங்களை இணைப்பதற்குப் பயன்படுத்தப்படும். USB இன் சிறிய பதிப்பாகும்.
(iii) மேலும் இது ஸ்மார்ட்போன்கள், GPS சாதனங்கள்" மற்றும் டிஜிட்டல் கேமராக்கள் போன்ற சாதனங்களை இணைக்கிறது. USB இன் சமீபத்திய பதிப்பானது USB 3.0 ஆகும். இதன் தரவு பரிமாற்ற வேகம் 4.85 Cbps ஆகும்.
5. தொடர் மற்றும் இணை வடங்கள் (Serial and Parallel cable):
(i) ஈத்தர்நெட் வடங்கள் கண்டுபிடிக்கப்படுவதற்கு முன்பு வரை, கணினியை இணையத்துடன் இணைக்க தொடர் மற்றும் இணை வடங்கள் மட்டுமே பயன்படுத்தப்பட்டன.
(ii) இந்த வடங்கள் இரண்டு கணினிகளை நேரடியாக இணைக்கவும் பயன்படுத்தப்படுகின்றன. எடுத்துக்காட்டு : RS -232 வடம் 
6. ஈத்தர்நெட் வடம் (Ethernet cable) :
(i) இது முறுக்கு இணை வடத்தின் ஒரு வகையாகும். இது வீடு அல்லது அலுவலகங்களில் கணினிகளை இணைக்கப் பயன்படும் பொதுவான வடம் ஆகும்.
(ii) இந்த வடம் வளப்பகிர்வு மற்றும் இணைய அணுகலுக்காக குறும்பரப்பு வலையில் (LAN) உள்ள கம்பித் தொடர்பு சாதனங்களை இணைக்கிறது.